من عاش بالدنيا يشوف العجايب

كل من عاش بالدنيا يشوف العجايب
مثل ماشفت بالدنيا وشفته باهلها

قمت ابرق وافرق بين مخطي وصايب
مثل فرق الجبال النايفه من سهلها

والتوافيق عندالله حظوظ و وهايب
عند رب يجازي كل نفس بعملها

اشهد ان الهدوم يسترن المعايب
اثرها تستر الحرمه وتستر فحلها

الاوادم بعضهم مثل وصف الجلايب
لو توحد بها ذيب الخلا كان اكلها

كم صبي تحسب انه ع الضرايب
وان بخصته , كرهت الديره اللي نزلها

مايسر ان حضر , وان غاب ماقيل غايب
مار الارزاق عند رب لخلقه كفلها

مايضد الضديد ولايفيد القرايب
يوم نفسه تعدى حدها من زعلها
وفيه رجل يحل المشكله والنشايب
كل ماحملوه الواجبات احتملها
واقف للزوم ومرتكي للنوايب
والحمول الثقيله مالها الا جملها

ليت روحه قبل تركز عليه النصايب
حط عنه اربعين من الزلايب بدلها
وفيه منهو مسالم مايحب الطلايب
مشتقى من رضى نفسه ولا من زعلها
وفيه منهو اذا كبرت عليك المصايب
ساق وجهه وجاهه لك ونفسه بذلها


وفيه منهو يبا الجودا فلاشك هايب
كل ماناض صدره جى عضوده خللها

وفيه منهو يحل المعجزات الصعايب
اصغر افعاله الجزلات محدن فعلها

وفيه منهو يعيش وعيشته بالسبايب
كل ماسمعله غلطة من رفيقه نقلها

وفيه منهو على نفسه رضى بالغلايب
الله اللي رفع نفس ونفس خذلها

لو تبي تنصحه لله نجر الهبايب
انكرك والنصيحه ردها ماقبلها

اشهد انه عقوبه من كبار العقايب
قاصر المعرفه قلبه كما قلب بلها

,
يِعَافيِك ربيِ عَلى زَاويِتك الرَاقيَه
وَشُكْرَا لَطـــرَحُك المُميِز وَإِخْتِيارِك الرَائِع
’’
عَبق الجُــــــوريِ لـ رُوحِك..’

سطور نالت الإعجاب برقي هذا الطرح
وهذا سَّــر إبداعك وذائقتك المُتميزه
سوف آظل أترقب الجديد بكل شوق
لك كل الود والاحترام

.. سَلآمٌ يَتَقَاطَرُ شَهداً علىْ مُتَصفحكُم لِـ نَلتَحِفُ بَينَ شَهَقاتِ ألأبِداعِ دُمتُم رَمزاً لِـ العَطَاءِ والرووعة شُكرأً بِـ حَجمِ السَمـآء وَأكِثر وَلكم الود أّمَدأً,,‘

سلمت يمينك على الطرح
نترقب المزيد من جديدك الرائع
لك كل الود والتقدير

بحةعشق ابداعك وصل القمم كنت هنا اتذوق الشهد حرفُكَ رَبيعٌ فاتِنْ كلمات تصل الي شغاف القلوب وقلم متميز ينثر عطرة هنا وهناك الإلهام لبُ الكتابة حقا أروتني أحرفك حد الإكتفاء لقلبك بياض لا ينتهي عاشق الجنان