لاضاعت الهقوه تموت المشاريه

عـزي لقـلـب ٍ صــار هـمـه مخـاويـه
متعلـق(ن) .. لاهـوب شايـب ؟ ولا شـاب ؟

لاقــادر(ن) يـفـرح بـشــي ٍ يسـلـيـه
ولا قـادر (ن) يلبـس علـى حـزنـه ثـيـاب

راعـي الطمـوح يمـوت .. مـادرك مناويـه
لاخاسـر(ن) حلمـه .. ولا كاسـب اعجـاب !

لاهــو فقـدلـه شــي عـشـان يرثـيـه
ولا ظفـر فـي شـي يحسـب لـه حسـاب ؟

اقسـى عـذاب ؟؟ .. يخلـي الرجـل يبكيـه
عـذاب ! .. لكـن ! تتفـق فيـه الاسـبـاب

لامن عشـق حاجـه ! ولاهيـب فـي يديـه
لاصابـر(ن) عنهـا ... ولا منهـا تــاب ؟؟!

الـحـر وافـــي مـايـخُـون بـراعـيـه
حتـى لـو انـه ! .. دون راعيـه ينصـاب

لاضـاعـت الهـقـوه تـمـوت المشـاريـه
ماكنهـا الا ( ثـلـج ) فــي كـفـي و ذاب

خطـاي ! .. عطيـت الشنـب حـق يوفيـه
اليـن ! ماشفـت الـمـره ذلــت اشـنـاب

حتـى ردي الـسـاس ! يفـخـر بماضـيـه
في وقت ؟ .. ساوا النـاس مابيـن الانسـاب

وش عـذر ؟ مـن صـدق كــلام ٍ يغـذيـه
لاصـار منهـو يدعـي الصـدق ؟ .. كـذاب

علمـت نفسـي درس ! .. مانـي بناسـيـه
ماقيـل لــي ولا حفظـتـه مــن كـتـاب

لاحـدنـي وقـتـي عـلـى شــي مابـيـه
اعـز نفـسـي ومـنـة الـنـاس بـتـراب

الله يـرجـع كـــل غـالــي لغـالـيـه
والله يــرد الشـمـل مابـيـن الاحـبـاب

الريم ♔ ,اتووق اليك معجبون بهذا

سلمتِ عالنقل الجميل
لاعدمنا جديدكِ
ودي

غزل بغداد معجب بهذا

أجــمل وأرق باقات ورودى
لردك الجميل ومرورك العطر
ودي لك

موضوع مميز
الله يعطيك العافية
سلمت يداك ودام عطائك
ننتظر المزيد من الإبداع الراقي

يُعْطِيكَم الْعَافِيَةُ
دُمْتُم بِهَذَا الْعَطَاءِ الْمُسْتَمِرِّ
أسْعدنَى الرَّدَّ عَلَى مَوَاضِيعِكُمْ
وَالتَّلَذُّذَ بِمَا قَرَأَتْ وَشَاهَدَتْ
تَقْبَلُوا خَالِصَ اِحْتِرَامِي
لِأَرْوَاحَكُمِ الجميله
وَدُمْتُم بِسَعَادَةِ دَائِمَةِ

سلمت الأيادي ..
ويعطيك العافية لـ جمال الآنتقاء