احس في داخلي هالروح مذعوره

احس في داخلي هالروح مذعوره
وايمـمـ الوجه للخالق ولا القابي


سوى امنية شاعر ٍ خجله ومغروره
وخوف وطريق وبقايا طيبة اصحابي


واحساس لو اكتبه بتعاتب سطوره
حظي وطيبي وعقلي واول احبابي


يارب .. ساعدني ابني حلمي وسوره
ودي اشرّع لـ بكره .. كل ابوابي


تعبت اشوف النهار بدفتري نوره
واجامل الليل واقول انه (( اولابي ))


يا عين لاهنتي وعن جد مشكوره
يا ما حشمتي سواد الليل باهدابي !


قلتي : زهقت الظلام وقلت : معذوره
ما دام جسمي عجز عن شيلت ثيابي


تبت يدين الصبر لا طالت شهوره
ما هي بسهله سنه ناطر على اعصابي


قدام عيني تطيح احلام .. مقهوره
يا رقة القلب .. ويش القلب .. سوّابي


ماني مكمل ياهمي خلها مستوره
بيني وبينك ( قصيدي ) واعتق اسرابي


لان ( الشعر ) لا طرالي جفت بحوره !
واحس كنه يموت بـ صفحة كتابي !!


لاني احبه واحب اراعي شعوره
احسب حسابه مثل ما يحسب حسابي


ابيه لامن حظر يجمّل ... حظوره
وان قدّر الله وغبت؟؟ يقدّر غيابي !!

طرح قمه الروعه في والجمال
سلمت اناملك ويعطيك العافيه علي مجهودك
في أنتظار المزيد
من عطائك والمزيد ومواضيعك الرائعة والجميله
ودائما في إبداع مستمر

‏ ‏ ‏ ‏ طرٍح رٍآئع كَ ع ـآدتك ... يتمـآيل آليـآسمين شذى بجمـآل متصفحك .. ؤتترٍآقص آلـ ؤرٍؤد متعطرة برٍؤعة مَ طرحته أنـآملك لرٍؤحك أطيب آلـ ؤرٍد ؤأكـآليل آلـ زهرٍ معطرٍة برٍقةرٍؤحك ‏ ‏ ‏ ‏ ‏

سلمت يمينك على الطرح
نترقب المزيد من جديدك الرائع
لك كل الود والتقدير

لسعة عشق
سلمت الأيادي على روعة الطرح
في انتظار جديد طرحك
لاخلا ولا عدم

لسعة عشق ابداعك وصل القمم كنت هنا اتذوق الشهد حرفُكَ رَبيعٌ فاتِنْ كلمات تصل الي شغاف القلوب وقلم متميز ينثر عطرة هنا وهناك الإلهام لبُ الكتابة حقا أروتني أحرفك حد الإكتفاء لقلبك بياض لا ينتهي عاشق الجنان