هنا مليون بيت من الشعر

أعرف اضيع لكني لغيرك ماعرفت ادل
أنا فالحالتين الضايع اللي حبّ ضيعاته

خذها من محبٍ لو يملون البشر ما مل
معك لو يخسر الدنيا ما فكّر في خساراته

ياكم حاجةٍ صديت عنها عشان ارتاح
مهوب اي حاجة لازم تصير بالقوه

عقلت وقنعت بحظي ان قام والا طاح
انا مؤمن بحكم القدر خيره وسوه

تركت عقلي في هواك وطشت ،
وادري المفارق هو نهاية الأمْر

يكفيني انّي متّ فيك وعشت
معاااك " ليلة من ليالي العمر "

جيت صوبك " لا شعورياً " وأنا يوم أتعنى
ما أتعنى غير للي جعل تفداه . . المسافه

أمنياتي كلها وجهك وأنا كيف أتمنى غير
وجهك وأنت وجهك من يشوفه مايعافه

ما عاد اشوفـك ولا حتى احاكيك
مشتاق لـك وماعـاد باليد حيله
-
كل ماجيت بنسى طرالي طاريك
حتى الدقـايق فـي غيبتك طويله

تلعب بي الدنيا وانا ماقلت ليه
مؤمن بإن العسر بـ أخرته يسر ..

ما جتني حظوظي على ما أشتهيه
مع ان لي قلبٍ بالمصادم جسر !

ماعدت أعرف اللي ابيه وما أبيه
ما أعرف الا اني لهاللحظه عسر

خسرت واجد من قلوب ومن وجيه
والحين ماتفرق معي لو أخسر ..

أنا اللي كنت أدور ليّ طريقٍ و اسلكه لِـ رضاك
و خليت الدروب اللي توديني على.. أحلامي !

رغُم هذا الغياب : مْجمّل ، ومشكور
أدوّر ضحكتك .. وتْدوّر " آلامي "

شعوري بالغياب أصبح بدون شعور
أنا مااحتاج لك .. محتاج لـ أيّامي

على حطّت غيابك مابقى لي حضور
بقت لي ذكرياتك ، وأكثر " أوهامي "

لك الله : ما كسرني خاطري المكسور
كسرني ظني إنك .. " كنت أحلامي "

ما قويت النوم ولا خنت السهر
كيف أنام وكل ذكرى صاحيه ؟

لله درّ القصايد كيف تبري الجروح
‏و لله درّ الجروح شلون تبني قصايد

عليكم القلب يسألني ويوصّيني
أحبكم كثر ما أقدر وأنا ( فاهم )

أكتب قصايد له على كل طاروق
‏عساه يقراها ويفهم صــداهـــا!

لاتجرحيني جرحك العام ماطاب = داوي بحنانك مامضى واجرحيني

كنت اشوفك في عيوني لي وطن
واثرك الغربه . . وانا عابر سبيل !

دامك كبير ودام منهجك متبوع ..!
فـ احفظ لسانك عن هروج السماجه

لا تبدي ارائك على كل .. موضوع
ولا تستشير الناس في كل حاجه

عساك ماتتبع هل القال و القيل ؟
ترى بـ تجني من وراهم حماقتك

اردى رجل من بين كل الرياجيل :
اللي بدون اسباب ! يقطع علاقتك

عاند ظروفك لو ظروفك عيّت
العذر يقبل .. ماعدا فـ الغيبه
.
عذر المفارق مثل مدح الميّت
لا يهوّن فراقه ..ولا يدري به

عشان ما أحزن ولا أشكي من فراق
لاتستهين بـ صدّتك.. وإنت منّي!
,
من قبل لاتقفي.. وترحل.. وأشتاق!
عطني شعور أنّك تبي تغيب عنّي.

أعيش في دنياي من دون تكليف
شخص ٍ بسيط ونفس كُلّ ٍ قراها
'
أرقى مع إللي راقي ٍ بالمشاريف
وأشارك الأجـواد في مبتغاها
'
لكن بلاي الطيف لا زارني طيف
أسامر إنجـوم السماء في سماها
'
الله يجبر خاطـري يا مواليف
سـود الليالي أهلكتني بعناها

ياشينها ليا شفت لك خِل متغيّر
غيرته الايام من عقب ما كان ..

يكلمني كل يووم وبالبرامج يسيّر
والحين مايسأل ولاني ب ولهاان ..

الكتوم اللي ماتعود يفضفض
لاملى صدره الضيق وش يسوّي ؟

مآكل ..[ هـمْ ].. تفرجه طولة آلبآل ..!
ولآ كل " ضيقـهْ " . . ينفع آلنوم فيهآ .

السكوت أحيان لا وافق العقل الرِّزين
خير من حكيٍ لا جا .. ما يشّد الإنتباه

سامح الله ظني يوم ظنيت انك غير

مايبلش الطيّب إلّا راسه الطيّب
ولا يوجع قلوبنا إلّا قطعةٍ منها