الحزن يفضحني على بيض الأوراق ..!
وانا الله أعطاني كره للفضايح ..!!
بس البلا .. لو تستعر نار الأشواق ..!!
كل حزن يسكنّي على الطرس سايح ..!!
تعتقني الأقلام .. من ضيق الآفاق ..!!
وتأسرني الذكرى بـ / طيب الروايح ..!!
الله يجازي وقت للطيب ما انساق ..!!
والله يجازي من عن الطيب شايح ..!!
والله يصبِّر من عشق لمح برّاق ..!!
وعيونه إبيَـضَّت ولا .. لاح لايح ..!!
حدّه زمانه يمتطي درب بوّاق ..!!
من عقب ماهو حامي الدار / نايح ..!!
تطبخ بلاوي الوقت في قدر الأعماق ..!!
وهموم صدره جاذبه كل سايح ..!
تعبت انا أكتم صرخة القلب لا ضاق ..!!
وأستقبل الأفراح والدم سايح ..!!
مدري متى شمس الفرح تعلن اشراق ..؟!
والحظ يخجل / طول الأيام طايح ..؟!
تو القلب من صدمة الأمس ما فاق ..!
واليوم زادت بـ الطعون اللوايح ..؟!
يا حزن إسترني على بيض الأوراق ..!!
يكفي انكساري .. لا تزيد الفضايح ..!!
ابداعك وصل القمم
كنت هنا اتذوق الشهد
حرفُكَ رَبيعٌ فاتِنْ
كلمات تصل الي شغاف القلوب
وقلم متميز ينثر عطرة هنا وهناك
الإلهام لبُ الكتابة حقا
أروتني أحرفك حد الإكتفاء لقلبك بياض لا ينتهي عاشق الجنان
عضويتي 
الحزن يفضحني على بيض الأوراق
العرض العادي
