أكتب والعااالم يقرأ ....

ناسٍ تسرك ساعه الضيق والباس
وناسٍ مريضه تبتليك بمرضھا.

أنا معاه .. ناسي لـِ طبعي ومبداي
أحبّ شوفة وتفرحني مواصيلة

تلقاني مع الناس بارد ونسّاي
لكن معاه بالذات أحفظ تفاصيلة

سِترت الغلا واقفيت عنه بدون وداع
وصدّيت صدة مقفيٍ، ماهوب وده .

كتبت واجد .. لكن قلبي مسح ما كتب
تقول كن بين يدْيني و قلبي خـناق
،
تبت يدين المفارق والمعاتب .. وتب
كل شيء خلاني أفقد لـذة الإشتيـاق
،
حبيبي اللي على لآماه .. مالله كـتب
حيرني حيرة عراقـيٍ فـ حب العراق
،
إن جيت بعاتبه ؟ .. ما يستحق العتب
وإن جيت بفارقه ؟ .. مايستحق الفــراق

وين انت ياللي عليك احلام عمري تحوم
الوصل لا ترمي ايدينه على التهلكه
ٰ
تعال عندي لك من علوم قلبي علوم
مشاعري فيك ملهوفه ومتمسكه
ٰ
متعود اكلمك واواصلك كل يوم
واللي تعود على له "شيء" مايتركه .

إن كان قلبك يحس وكان عينك تشوف
فـ قلوبنا لو خذاها البعد .. متلاقيه

رغم البطا و المشاكل كلها و الظروف
محبّتك في ضميري باقيه .. باقيه

يا مالي الشوف وعيني ما تبي ثاني
يا مصغر الناس فيها وانت يا كبرك .

ان حسدني اقرب الناس ما عشت محسوس
وان ترزق ابعد الناس ...... ( جعله عافيه ) !

خاطرك اعرفه لا بدا سكوتك
بـ ازّعل الدنيا عشان ارضيه
.
ويا جعل موتي من قبل موتك
ولا ضقت مني ! جعلني لـ التيه
.
تغشاني البسمات من صوتك
انا اشعر ان الورد نابت فيه !
.
شف حالتي ! لا يطوّل سكوتك
عاد انت ما تحتاج لـ التنبيه

الضيقه اللي مالها حد وقياس
متى تغيب وتترك الراس مدري؟
.
ان جيت اعديها بلّيا وجع راس
خلّت وجع راسي وراحت لـ صدري