لاضاعت الهقوه تموت المشاريه

عـزي لقـلـب ٍ صــار هـمـه مخـاويـه
متعلـق(ن) .. لاهـوب شايـب ؟ ولا شـاب ؟

لاقــادر(ن) يـفـرح بـشــي ٍ يسـلـيـه
ولا قـادر (ن) يلبـس علـى حـزنـه ثـيـاب

راعـي الطمـوح يمـوت .. مـادرك مناويـه
لاخاسـر(ن) حلمـه .. ولا كاسـب اعجـاب !

لاهــو فقـدلـه شــي عـشـان يرثـيـه
ولا ظفـر فـي شـي يحسـب لـه حسـاب ؟

اقسـى عـذاب ؟؟ .. يخلـي الرجـل يبكيـه
عـذاب ! .. لكـن ! تتفـق فيـه الاسـبـاب

لامن عشـق حاجـه ! ولاهيـب فـي يديـه
لاصابـر(ن) عنهـا ... ولا منهـا تــاب ؟؟!

الـحـر وافـــي مـايـخُـون بـراعـيـه
حتـى لـو انـه ! .. دون راعيـه ينصـاب

لاضـاعـت الهـقـوه تـمـوت المشـاريـه
ماكنهـا الا ( ثـلـج ) فــي كـفـي و ذاب

خطـاي ! .. عطيـت الشنـب حـق يوفيـه
اليـن ! ماشفـت الـمـره ذلــت اشـنـاب

حتـى ردي الـسـاس ! يفـخـر بماضـيـه
في وقت ؟ .. ساوا النـاس مابيـن الانسـاب

وش عـذر ؟ مـن صـدق كــلام ٍ يغـذيـه
لاصـار منهـو يدعـي الصـدق ؟ .. كـذاب

علمـت نفسـي درس ! .. مانـي بناسـيـه
ماقيـل لــي ولا حفظـتـه مــن كـتـاب

لاحـدنـي وقـتـي عـلـى شــي مابـيـه
اعـز نفـسـي ومـنـة الـنـاس بـتـراب

الله يـرجـع كـــل غـالــي لغـالـيـه
والله يــرد الشـمـل مابـيـن الاحـبـاب

الريم ♔ ,اتووق اليك معجبون بهذا