أن كان غبتي فرحة القلب غابت
وان كان جيتي ببتدي الحلم وآعيد

الشعر في غيرك قوافيه شابت
وانتي كتبته فيك جوز وتفاريد

تدرين حبك داخل القلب نابت
في داخلي مزهر وغاظن به الغيد

يا بسمةٍ غابت وعادت وجابت
الضحكة اللي شتت بي تناهيد

حتى ظنوني ما بعد فيك خابت
حلمي وحلمك يحترون المواعيد

أن قاله الله صحت يا قلب صابت
وعن الزمن مسحت وجه التجاعيد

وحققت حلمٍ من زمانين ثابت
رغم القسى عن عهد الايام ما احيد

وآعيد لك فرحه من العام هابت
بعد الخجل جاتك من الأيد للأيد

ترقص لها رموشك وعينيك رابت
تبي تعايش حلمها دون تحديد

واقول طابت .. قلتي اليوم طابت
خلنا نعيش ايامنا كلها عيد

قلت الليالي .. قلتي اليوم تابت
حلم وتحقّق ما بقى به مواعيد