انطيتها الفرصة

انطيتها الفرصة وخذت من عيني ماي
وخذت رايي وهل صفيت بغير راي
وراحت وماوادعتني ومدري اشكالت وراي
وعلى حطة ايدها الهسة انتظر
مجبور؟ لاوالله ابد بس برضاي
وصار كومة اسنين احرك انتضار
مصبر بروحي واكولن هو جاي
بخاطري وكيفي شمع عمري طفة
والله فشلة وكاظ روحي بمشتهاي
مدري ميت..مدري عايش
مدري ادري وضامها من مستحاي
الشيب بالفركة يجي يركض ركض
وانة شايب شيبت وانة بصباي
وماكلت فديوم راح انسة ونسيت
هي كلها سنين ويرد الدفاي
والعمر كلة ترة ساعة وخلص
وانتظرتك مااجيت ..الموت جاي
عود سامحني اذا مالحكت
تمشي وراي
وعود سامحني اذا حنيت الي
واحرك عضامي تدفيك بدفاي

عامر العراقي


تم النشر سابقاا