شتضن الينكسر هم بعد ينلم؟

شتضن الينكسر هم بعد ينلم؟
واذا لميتة هم يتسمة مكسور
وانة حذرتك امن اللعب بالجام
تكسرة وتنجرح وتكول مجبور؟
ماَجبور تلعب على الممنوع
على كدك ونفسك بالك اتجور
ترة الدنيا ابد متصاحب النار
تهدة شوية موصايرلي مغرور
وتحجي بخشم وتشمر على الناس
وماتقبل نصيحة ودمك يفور
باجر عود اذكرك لمن اطيح
وتمر اسوالفي بدورتها ناعور
والعشرة تعضهن والندم ميفيد
والضنيتة حلقة يصير شاجور
ساعتها العتب واللوم خربان
وصحى اولا تضل تحلم بالقصور
موتدري الينكسر مايرجع انوب
ليش اتكسرة بس لتكول مجبور؟
بقلمي
الشاعر عامرالعراقي
2021/4/18