ابيات من العذب المخزون..


يابنات الفكر..قـرحي بالصريح
والــوزن كـفـه..مــوفـّى رايـحـه

المعـاني جـزل..غزله والـنصيح
ان رغـبتـه بــجـد..ولا..ممــازحـه

ولاعجبني جو وبالي مستريح
قرّح الـهاجوس قوافي قارحه

من مداد الـند.. دخـانه يفـيــح
لاكتبت الشطر عجزه يصافحه

او رسلته للي في ذكـره..اطيح
وبالي تشغلهُ هموم/ن..سـارحه

ياعساه يلين.. لـقيفان..الـمديـح
او يجيني طيف.. مثل الـبارحه

ولا يـأخــرهــا.. لــزوار الــضـريــح
وتحسـره فرصه كانت سـانحـه

لـ نجـ سهيل ـم