مستعد اخسر بعد مومشكلة


مستعد اخسر بعد مومشكلة
اني كدها الخيبة ماتكسرني
وراح اقابل ربي ماطاعن صديق
هناك امان وماكو من يطعني
عشت زلمة ومامشيت اوية الرجيج
المايعدل اعكالة مايلزمني
اليضحك اكبالي ويتانيني اروح
بعيونة اقرة السالفة التذبحني
عاشرتهم كلمن بكد مستواه
ومانطيت احجام للميهمني
الكلمة وية اليستحق انطيها صيت
وكطنة اخلي المااريدة بأذني
لحد يضن يكدر ايعبر علي
بكيفي اعبر الضرني والينفعني
صارت قديمة ماأجرب الاصدقاء
بكصتة اقرة يحبني لو يكرهني
اني مثل مرايتي احجي الصدك
متشوف كلها تريد بس تذمني
ولحد يصاحبني ماريد اصدقاء
صادقت نفسي لان تفهمني

بقلمي
عامرالعراقي


تم النشر سابقاا