صمت الغلا يجرح ولوكان بسكات
.....حتي غصون الحب يقطف ثمرهـا

صمــت الغــلا في داخلــي يكتب أبيـــات
.....عيت قوافي الشعر تعرف بحرهـا

ماهي قصيده تشتكي نزف اهـات
......ثوره مشاعر ما تحمـل خطرهـا

ياصمت لاتشعل خفوقي بكلمات
.....تفضحني اعيوني بلمحـة بصرهـا

مشاعري مابين روحـه وجيـات
.....واحترت كيف اني أجي وأختصرها

أصدق كلام الحب لاصار دمعـات
.....واصدق دموع الحب لحظة سهرها

مابين لوعات الامل ..عشت لوعات
.....أصبح وأمسي عايشن وأنتظرهـا

فوضة مشاعر من جميع أتجاهـات
.....بس أنها عربـون حـب أعتبرهـا

الصمت أبلغ من جميـع العبـارات
.....بس العيون أحيان يفضح نظرهـا