عابر سبيل سعد الهويدي من تجمل بالنشاما لقى رد الجميل والدجل راعيه ما ينفعه كثر الدجل اترك الي بيتغير على حسب الموديل ولا تفرط في رفيق معك على حجل لا غدا ليلك نهار ونهارك صار ليل وقفته وقفة طناخه معك ماهي لجل المصالح والمنافق ومن هذا القبيل جعل تفدا وجهه وجيه ما فيها خجل ويبشر بـ وقفة شجاع تحزم للأجل الحمل يبغي جمل لا برك متنه يشيل والمواقيف العظيمه تبي وقفة رجل فطرة اهل الطيب تتعبك يالكف البخيل المراجل وهبه آمن الولي عز وجل والنشاما لو فنو ذكرهم مع كل جيل ذكرهم في كل مجلس وديوان وسجل والردي يمر ذكره وهو عابر سبيل لو بغيت اوصفه مثل فنجال العجل والمدايح دونها يتعب الرجال خيل ما تجي رجل متكي رجل على رجل

[CENTER]