هنا مليون بيت من الشعر

بالغزل والحب بكتب لك قصيدة
‏مايوفيك الغزل ي سيد سيدة
‏انت روح الحب ي نحره وجيدة
‏مفردات الشعر تعجز لا تجيدة

مع السوالف : يوم طروك سافرت .
سافرت لك : و انا مكاني ، مكاني !

صاحب الوجه البشوش الضاحك المزّاح
على رحيلة ما ترك .. مدامعٍ فالعين

من يوم ما عن الحياة .. ترجّل وثم راح
عرفت وش معنى الموادع والوجع والبين

" رزقك مْن اللي فرق زول البشر عن زولك
واحـدٍ يغيّـر أحـوالك ، بيـوم و ليلـه

والله لو إنْك بتركض في يدك و رجولك
اللي ما الله قاسمه ، ما ينوخذ بالحيله "

نضحك بوجه الحزن وانجابه سنين
لو بكره .. يسوّي من الامس إعاده ،

وبـ تزين إن ضاقت علينا تبي تزين
مْن الله اللـي ما يخلّي .. عـباده !

وبـ يختفي هذا ( الوبا ) لو بعد حين
ولا يفارقنا شعور .. ( السعـاده )

ما باقي الا الرخص لا راح ( الثمين )
ياللي جعلتك ( شيئ ) وانتي من عدَم .

بكره يضيق الكون فيك .. وتندمين
في وقت " ماينفع شعورك بـ الندم " .

رسالتك .... اقسـى رساله وارده
كانت ( قليلة حس ) رغم اني ( كثير )

مايوجعك .. غير " الردود البارده " !
على الكلام اللي كتبته من ضمير .

اعتبرني ليا من ضاق صدرك ؟ مكان
فدوتك لو بكيت الليله بـ طولها

اعتبرني حضن لامن فقدت الحنان
خل سحب الهموم تصّب هملولها

اعتبرني ملاذ .. تحس قربه بـ امان
وايّ كلمة تخاف تقولها ؟ قولها

اعتبرني شعور وفاقده من زمان
وجا يلبّي .. ندا عينك ومرسولها

تمر الشدايد كل فتره على الانسان
تعيد النظر في مامضى من علاقاتّه

تبعد له اللي عدهم بالحياة اخوان
وتقرب له اللي ظنهم من عداواتّه .