وبما ان المثل شعبي راح انقلكم القصة باللغة الشعبية الدارجة ...
هذا يكلك فد يوم اكو اثنين حاتهم المادية كلش تعبانة فاتفقوا وكالو خلي نقتل بعير وندفنة ونكول هذا جان شخص مبروك ومحترم والدعاء هنا مقبول وتجي العالم وتذب افلوس ومراد ...
وبعد ما سوو العملية ودفنوا بالكاع البعير وعملوا قبة ومقام وكامت العالم اتشوفة
وشوية اشوية اشتهر هذا المكان والجماعة كل يوم يتقاسمون الوارد
بعد فترة واحد منهم راد يسافر يومين فكلة لصاحبة الوارد مالتي خلي يمك من ارجع انطينيا
المهم صاحبنة سافر ومن رجع كله الصاحبة انطيني الوارد مالتي
جان صاحبة ينطي مبلغ جدا قليل على غير العادة
فصاحبة كلة اشو قليلات هذه المرة ليش ؟؟؟
فجاوبة صاحبة وأشار بايدة وبكل الوارد على المقام وكال وروح المرحوم
اللي بهذا القبر هذا نصيبك و هذا اللي طلعلك iii
فصاحبه اوتوماتيكيا شنو جان جوابه ...
يابة دروح مو احنا دافنـــــــــيه ســـــــــويه iii