نعمة الستر ..
لما تفهم معجزة الستر
هتعيش أغنى الناس ..
فيه ستر الغفران لما ربنا يسامحك
عن غلطاتك و يكفيك
شر الفضيحة و التأديب ..
فيه ستر من مذلة المرض
‏يعني لما تكون مريض بس أتوفقت
في علاجك و قادر تكمل أيامك
و أنت مش محووج لحد ..
و فيه ستر من مذلة الجوع
لما إللي معاك يكفيك تنام متعشي
و شبعان حتي لو لقمة بسيطة ..
و فيه ستر من مذلة البرد
لما هدومك تحميك
من البرد حتى لو كانت رخيصة ..
و فيه ستر من مذلة الإكتئاب
لما تقدر تسرق من الزمن ضحكة
وأنت حزين و تبقي شاكر
و راضي و مش محتاج لذل الحاجة ..
‏و فيه ستر من مذلة الوحدة
لما يكون ليك أهل و معاهم كام
صاحب تقدر تكلمهم و تطمن
علي نفسك و أنت معاهم ..
و فيه ستر من مذلة الحوجة
و مد الأيد لما ربنا يرزقك بشغلانة
و لو بسيطة تكفيك و ترضيك ..
و فيه ستر من ذل الفشل و الحيرة
لما يكون أبنك ربنا مبارك
في صحته و تعليمه و مستقبله و بيته ..
و فيه ستر البيوت لما يكون عندك
شريك حياة إبن حلال و شبعان
و شايل الهم معاك ..
و فيه ستر الحلول يعني
أي مشكلة تيجي و معاها
بسرعة الحل إللي يريح قلبك
و ينيمك مرتاح البال ..
و فيه قبل الكل معجزة ستر البركة
أن أي حاجة قليلة معاك تكفيك
و تغنيك و تفيض و تزيد ..
لو عرفت نعمة الستر هتعيش
مرتاح البال ومتهني
وكأنك أغنى الناس
اللهم سترك و عفوك و رضاك
لكم خالص تحياتى وتقديرى
الدكتور علـى

سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ