حمدان يا حمدان امك ثلاث اسنين تناديك يامسندي قلبي على الدوم يطريك ماغبت عن عيني وطيفك سمايا... هذي ثلاث سنين والعين تبكيك ماشفت زولك زايرآ يا ضنايا تذكر حياتي يوم أشيلك وأداريك والاعبك دايم وتمشي ورايا ترقد على صوتي وحضني يدفيك ماغيرك أحدآ ساكنن في حشايا وليا مرضت أسهر بقربك واداريك ماذوق طعم النوم صبح ومسايا ياما عطيتك من حناني وابعطيك تكبر وتكبر بالامل يا مـنايا لكن خسارة بعتني ليش وشفيك وأخلصت للزوجة وأنا لي شقايا أنا أدري أنها قاسية ما تخليك قالت عجوزك ما أبيها معايا خليتني وسط المصحة وأنا أرجيك هذا جزاء المعروف وهذا جزايا ياليتني خــدااامةً بين أياديك من شان أشوفك كل يوم برضايا مشكور ياوليدي وتشكر مساعيك وأدعي لكم دايم بدرب الهدايا محمد يامحمد أمك توصيك أخاف ماتلحق تشوف الوصايا أوصيت دكتور المصحة بيعطيك رسالتي وحروفها من بكايا وأن مت لاتبخل علي بدعاويك أطلب لي الغفران وهذا رجايا وأمطر تراب القبر بدموع عينيك ما عاد ينفعك الندم والنعايا. ...

شكرا عرض السماء للمصممة المميزة :الريم ♔