ياليتني قلبك علـى شـان اداريـك
عن كل نبضة قلب تاتـي سريعـه

اخاف ضغط الدم من حـر مافيـك
يعطي امر فرقى واخافـك تطيعـه

اعيّشك وآعيـش عيشـة مماليـك
وازيد نبض الحب وارفض تبيعـه

وآمد شريان الغـلا مـن معاليـك
عشان ماتفـرض علـي القطيعـه

كذا ترى تصبـح حياتـي بـ أياديـك
واعيش بك واصبح معك عـالطبيعه

اغليـك واتغـلا وازيـد بتغلـيـك
واتحمل همـوم الحيـاة المريعـه

من لي بعد زولك وضحكة اشافيك
ترى الحياه ابدون وصلـك فضيعه

ياليتنـي قلبـك وياليتنـي فـيـك
انبض غلا مانبض فراق وقطيعـه