01-03-2023, 08:48 AM
|
#16
|
تعودت أنصدم بالذات ممن هم يحبوني.. تعبت ..من الوجوه اللي تجي وتروح بسهولة..
وأناصعبة أصدق كيف ؟؟خلوني وباعوني !! أقول أحيان معقولة ؟؟وهي ماهي معقولة
لأني ماقدرت الا معاهم أحسن ظنوني وأقول الجرح والزله من الغالين مقبولة
أدور عذرهم وأسكت وأمشيها على هوني وأقول أخطائهم تغفر وهي بالعمد مفعولة
يلوموني على طيبة خفوقي يلوموني مادام أن النوايا بيض والأمال مأموله..
صبرت أكثرمن الازم وقلت إلا يريدوني
وهم فعلا يريدوني ولكن النفس مقتولة
بعد ماقصرو حتى قبل فرقاهم أعطوني كم جرح على كم كلمه كم طعنه وكم قوله!
نعم مال علي حظي وبعد أستاهل جنوني! لأني طحت في بعض القلوب الغير مسوؤلة!
تعودت أنصدم بالذات ممن هم يحبوني وأنا ماعندي أستعداد أجرب وأخسر الجوله..
على كثر الوجوه اللي تمر الحين بعيوني.. أحس الناس بالنسبه لي ناس مجهولة..
بأعيش بدونهم عادي مثل ماعاشوا بدوني.. وهذي كلمه على لساني وهي بالقلب مقيولة..
|
|
|
|
|