01-14-2024, 11:17 AM
|
#37
|
(ماس .ماينداس )
""""""""""""""""""""""""""
يا واد ياا بو قلب قاسى
خليك عاقل وراسى
دا الحب ملوش كبير
ولا يعرف يوم يفرق
مابين غنى و فقير
إوعاك ياواد تفكر
إنك بقيت كبير
وإنك ممكن تنول
نظره من نن عينى
لو هتجبلى النجوم
أو حتى المستحيل
دنا قلبى ياواد عفيف
ولاعمره كان خفيف
مايروح غير للى حبه
صاحب القصد الشريف
ياواد ياابو قلب قاسى
لو توبك جه مقاسى
روح لأهلى وناسى
وأنا شيلك جوه عينى
وأحطك تاج لراسى
وإن فكرك راح بعيد
وف قولك راح تزيد
أقرب لك النجوم
ولاتقدر يوم تنول
نظره لو من بعيد
ياواد يابو قلب قاسى
خليك فاكر ماناسى
وأعرف مين هما ناسى.
لو أحطك يوم فى راسى
ماتشوف النوم بعينك
ولا توصل يوم لساسى
دا الحب دا إحساس
يسرق قلوب الناس
وأنا قلبى زى الماس
وماسى...ما ينداس
مش هتلقيله مقاس
ولا كلمتين وخلاص
يتقالوا بين الناس
تقدر تجيبلى مقاسى
وأنا همنحك إحساسى
ياواد ياابو قلب قاسى
♣♥ساحرة الحرف ♣♥
|
|
ألريم الله لا يحرمنا إبداعك وتصاميمك الراقية مثل رقي وجودك دمتي لنا فخرا
|
|