لايابعد اهلي وربعي وخلاني
تعال يالغالي ترى القلب مشتاق
مشتاق لك والبعد بالحيل عناني
والبعد لأهل الحب ماهوب ينطاق
ينطاق بعد الناس الا انت يافلاني
مانيب متعود على صد وافراق
افراقي لعيناك للموت يحداني
الصد والهجران للقلب حراق
حراق يحرق ماحمته المحاني
جمرمن المغرب لحزات الاشراق
تشرق علي الشمس مع زايد اشجاني
وتزيد لوعاتي مع طيور الارزاق
ارزاق مكتوبة مع كل فاني
اللي مع الانسان بالعمر تنساق
تنساق اقدام الغلا للمكاني
اللي يواعد به على الشوف عشاق
عشاق مثلي عنده اكبر اماني
شوفة حبيب الروح مع ضم وعناق